Songs by Robert Burns

Bob Hay & the Jolly Beggars song book

Duncan Gray


C                            
Duncan Gray cam' here to woo, 
C   G        C
Ha, ha, the wooing o't,
C                                      
On blythe Yule-night when we were fou,
C   G       C
Ha, ha, the wooing o't,
C                  F
Maggie coost her head fu' heigh,
C                   G
Look'd asklent and unco skeigh,
C          F        C      G
Gart poor Duncan stand abeigh;
 C   G       C
Ha, ha, the wooing o't. 

Duncan fleech'd and Duncan pray'd; Ha, ha, the wooing o't,
Meg was deaf as Ailsa Craig, Ha, ha, the wooing o't:
Duncan sigh'd baith out and in,
Grat his e'en baith blear't an' blin',
Spak o' lowpin o'er a linn;
Ha, ha, the wooing o't. 

Time and Chance are but a tide, Ha, ha, the wooing o't,
Slighted love is sair to bide, Ha, ha, the wooing o't:
Shall I like a fool, quoth he,
For a haughty hizzie die?
She may gae to-France for me!
Ha, ha, the wooing o't. 

How it comes let doctors tell, Ha, ha, the wooing o't;
Meg grew sick, as he grew hale, Ha, ha, the wooing o't.
Something in her bosom wrings,
For relief a sigh she brings:
And oh! her een they spak sic things!
Ha, ha, the wooing o't. 

Duncan was a lad o' grace, Ha, ha, the wooing o't:
Maggie's was a piteous case, Ha, ha, the wooing o't:
Duncan could na be her death,
Swelling Pity smoor'd his wrath;
Now they're crouse and canty baith,
Ha, ha, the wooing o't. 

-------------
fou = drunk
lowpin = leaping
linn = waterfall
hizzie = hussy
een = eyes
smoor'd = smothered
crouse = cheerful
canty = happy
baith = both





Arrangement © 2006 Bob Hay (BMI). All Rights Reserved.