Songs by Robert Burns

Bob Hay & the Jolly Beggars song book

Content'd wi' little

 Contented wi' little, and cantie wi' mair, 
 Whene'er I forgather wi' Sorrow and Care, 
 I gie them a skelp as they're creeping alang, 
        G                        Am
 Wi' a cog o' gude swats and an auld Scottish sang. 

 I whiles claw the elbow o' troublesome thought; 
 But Man is a soger, and Life is a faught; 
 My mirth and gude humour are coin in my pouch, 
 And my Freedom's my Lairdship nae monarch dare touch. 

 A townmond o' trouble, should that be may fa', 
 A night o' gude fellowship sowthers it a': 
 When at the blythe end o' our journey at last, 
 Wha the deil ever thinks o' the road he has past? 

 Blind Chance, let her snapper and stoyte on her way; 
 Be't to me, be't frae me, e'en let the jade gae: 
 Come Ease, or come Travail, come Pleasure or Pain, 
 My warst word is: "Welcome, and welcome again!" 

cantie = happy
skelp = smack, slap
cog = drinking glass
swats = ale
soger = soldier
townmond = twelve months
deil = devil
snapper = stumble
stoyte = stagger
jade = slut

Arrangement © 2009 Bob Hay (BMI). All Rights Reserved.